«Оһуордаах оһуохай оло5ум аргыһа» оһуохай этээччилэрин киэҥ түһүлгэтэ
Алтынньы 3 күнүгэр СР оһуохайын үтүөлээх этээччитэ ИВАН ИВАНОВИЧ ПОТАПОВ 75 сааһын томточчу туолла, маны тэҥэ холоонноох доҕоро Галина Семеновнаны кытары ыал буолан бииргэ олорбуттара быйыл 50 сылын туолар үбүлүөйдээх сыллара.
Бу бэлиэ даатаны Тааттаҕа «ОҺУОРДААХ ОҺУОХАЙ ОЛОҔУМ АРГЫҺА» оһуохай этээччилэр киэҥ түһүлгэтин тэрийэн далааһыннаахтык бэлиэтээтилэр.
Күрэскэ 11 улуустан барыта 30-тан тахса кыттааччы баарыттан финал биэтэгэр 8 кыттааччы хаалла.
Оһуохайдьыттар тутатына хоһуйан саҥа саҕалааччылар 5, ааттаах-суоллаах кыттааччылар 7 мүнүүтэ иһигэр тиэмэлэрин арыйан эттилэр.
Дьүүллүүр сүбэ уопсай сүбэтинэн саҥа этээччилэр икки ардыларыгар кылаан кыайыылааҕынан Чурапчы Болтоҥотуттан Валентина Дьячковская ааттанна уонна “Саха Сирин Үтүөлээх оһуохай этээччитэ” үрдүкү ааты ылла.
Кылаан чыпчаал бирииһи Тааттаттан бастыҥ этээччи Илья Наумов ылла уонна Потаповтар оҕолоро туруорбут убаһа бириистэринэн наҕараадаланна.
Түмүккэ үтүөлээх этээччилэргэ:
- I үрдэлгэ Мария Иванова;
- II үрдэлгэ Лариса Попова;
- III үрдэлгэ Айаал Аммосов таҕыстылар.
- “Эҥээркэй куоластаах этээччи” — Туора-Күөлтэн Надежда Лыткина;
-“Уус тыллаах хоһуйааччы” – Горнайтан Дария Алексеева; - “Чуор куоластаах оһуохай этээччи” – Дьокуускайтан Светлана Сивцева;
- “Бастыҥ кынатчыт” — Дьохсоҕонтон Петр Щукин;
- “Далааһыннаах этээччи” — Дьокуускайтан Данил Пестряков ааттаннылар.👏👏👏